India don finally unveil dia statue wey be de tallest and de money wey dem comot for pocket to build am na 29.9bn rupees (£330m; $430m).
De statue na 182m (600ft) tall and na bronze dem use do am as dis na tribute to independence leader Sardar Vallabhbhai Patel wey dem put for Western state of Gujarat.
But tok don dey scartter ground as pipul for de area sey dis na waste of money sey dem suppose give farmers de money to do dia farm or another tin wey go bring money for dem.
Mr Modi, wey be sey na hin unveil de statue for de grand inaugural event yarn sey dis na ”symbol of india integrity and resolve.”
Air force plane carry plenty flower go pour for de statue head and de pesin wey design de statue na Indian sculptor Ram V Sutar.
As officials for de country yarn.. sey de place go bring atleast 2.5million pipul every year and dat one go help dem boost dia economy.