The lady wey her name na Halima Juma na hin dem arrest on Tuesday November 16 wen another customer suspect wen she use different ATM card on the same machine na hin de customer alert the security guards.
How she take get all the ATM cards na different tori.
The report wey dey reach us be sey de lady go waka go ATM and pretend to help old and rich ppl to withdraw from ATM machine and she go lie give de m sey de ATM don chop dia card after she don get dia PIN. Meanwhile, she go sey make dem go report for bank and later go another bank to withdraw dia money.
The other method wey she dey use na if she see sey anybody withdraw from ATM and immediately de person collect de cash she go move forward and give the person another card of the same bank.
K24TV yarn sey Halima confess sey she dey part of de gang wey dey steal ATM cards and withdraw de users money and later waka go another bank to cash out.